ဧရာဝတီတိုင်း ရေကြည်မြို့ မြို့မရပ်ကွက်၊
ပဲ နင်း ကြီး မ င်္ဂ လာ စေ တီ တော် သ မိုင်း
(အကျဉ်းချုပ်)
နမောတဿ ဘဂဝတော အရဟတော သမ္မာသမ္ဗုဒ္ဓဿ
ကမ္ဘာဦးကိုးကွယ်မှုအစ
ကမ္ဘာဦး လူတို့သည် အစဉ်အလာ သဘာဝအရ ပျော်ရွှင် စားသောက် ခဲ့ကြရာမှ မြေငလျင်လှုပ်ခြင်း၊ တော်လဲခြင်း၊ မိုးကြိုးကျခြင်း၊ လောင်မီး ချခြင်း စသော သဘာဝဘေးရန်များ ဖြစ်ပေါ်လာမှုကြောင့် ကြောက်ရွံ့ကြ သည်။ စိုးရိမ်ကြသည်။ တုန်လှုပ်ချောက်ချားသဖြင့် အားကိုးရာ ကိုးကွယ်ရာကို ရှာကြံစူးစမ်းကြသည်။
ယင်းသို့ ရှာဖွေကြရာမှ အံ့ဩဖွယ်ရာတောင်ကြီးများ တောစိုးသစ်ပင် ကြီးများ တောအုပ်ခြံကြီး အရာမ်ကြီးများကို ရှိခိုးကြသည်။ ပူဇော်ကြ ပသ ကြသည်။ ယင်းသို့ ရှိခိုး ပူဇော် ပသခြင်းသည်ပင် မိမိစိတ်၏ ဆာလောင်မွတ် သိပ်မှုကို အစာကျွေးလိုက်ရလျင် ကျေနပ်တတ်သော သတ္တဝါတို့၏ သဘာဝအတိုင်း တောတောင်သစ်ပင်များက သူတို့၏ ကြောက်ရွှံတုန်လှုပ်မှုကို ပျက်ပြယ် စေသည် အန္တရာယ်အမျိုးမျိုးကို အကာအကွယ်ပေးသည်ဟုယူဆလာကြသည်။
ယင်းသိုယူဆလာသည့်အလျှောက်တောင်ထိပ်ပေါ်၌ကိုးကွယ်နေရာ အဆောက်အအုံများကို တိုးတက် တီထွင် ကြံဆ ဆောက်လုပ်လာ ကြသည်။ သစ်ပင်ကြီးများအောက်၌ နတ်ကွန်း နတ်နန်းများ ပြုလုပ် ဖန်တီး လာသည်အထိ ကိုးကွယ်မှုအဆင့် မြင့်လာကြသည်၊ မြတ်ဗုဒ္ဓ မပွင့်ပေါ်ခင်
ဝေသာလီပြည်ဝယ်ထိုကိုးကွယ်မှုများအထူးခေတ်စားခဲ့သည်။ မြတ်ဗုဒ္ဓပွင့်ပေါ် လာသည်အထိ ယင်းဝေသာလီပြည်၌ သာရန္ဒာစေတီ၊ အဂ္ဂါဠဝနတ်ကွန်းစသည်ဖြင့် စေတီ နတ်ကွန်း အကြွင်းအကျန်များ ရှိနေသေးကြောင်း သုတ် အဋ္ဌကထာများဖြင့် ထင်ရှားစေပါသည်။
